26 ár en ekki 16 ár....

The Thing kom út 1982 þannig að komin eru 26 ár
http://www.imdb.com/title/tt0084787/

Forsaga The Thing í bígerð

Athugasemdir

[Sigurbjörn Arnar Jónsson (IP-tala skráð) 31.1.2009 kl. 09:13]

Bara enn eitt dæmið um flýtivinnubrögð hjá mbl.is. Svo, því miður, eftir að ábending eins og þín kemur inn á bloggið að þá samt eru svona fréttir ekki leiðréttar.

Upprunalega myndin er frábær en ég óttast að hitt verði eitthvað bull.

[Björn Snorri (IP-tala skráð) 31.1.2009 kl. 10:10]

Tónlistin í myndinni er líka eftir meistara Ennio Morricone, ekki Carpenter eins og er tekið fram í fréttinni...

...þó gerði hann tónlistina í flestar aðrar myndir sínar sjálfur.

[Kristinn Pálsson (IP-tala skráð) 31.1.2009 kl. 13:01]

Nákvæmlega, tónlistin úr t.d. "Assault On Precinct 13" og "Escape From New York" er auðvitað snilld og öll samin af Carpenter, en þessi fréttatilkynning er bara dæmi um að éta upp vitleysur af erlendum netsíðum. Hér nægir ekki bara að kunna lyklaborð, maður þarf líka að hafa glóru í kollinum. Á ég ekki bara að taka þetta að mér að þýða fréttatilkynningar á netinu?

[Finnbogi Finnbogason (IP-tala skráð) 31.1.2009 kl. 15:36]

Hörmungarvinna hjá blaðamanni.Myndin er síðan 1982 og er því 27 ára gömul,tónlistin er eftir spagettívestramaestrotónskáldið Ennio Morricone og þessi Carpentermynd er eins konar endurgerð á "The thing from a nother world" sem gerð var 1951 (byggðar á sömu sögu,Who goes there)

 Forvitnilegt að sjá prequel af þessari mynd:)

[Ransu, 1.2.2009 kl. 16:25]

Úr því að við erum að besservissast á víxl vil ég koma með smá innlegg.

Morricone gerði tónlistina en með leyniaðstoðarmann sem er ekki nefndur á kreditlista sem ku hafa verið Carpender.  Fréttin er þar af leiðandi bara hálfvitlaus. 

Þetta leyniaðstoðarmannadæmi er til að viðhalda álíka mýtu og með fyrstu myndina, The Thing from another world (sem er auðvitað mikið betri en endurgerðin (Að gera mynd um vitsmunalegt grænmeti utan úr geimnum er tær snilld). Henni leikstýrði Christian Nyby en hlaut aðstoðar leynileikstjóra. Um tíma gengu sögusagnir um að það hafi verið Orson Welles sem hafi staðið honum að baki, en þeir voru vinir og Welles þá í nöp við Hollywood og þessvegna ekki viljað láta nafn síns getið. En aðstoðarmaðurinn reyndist vera Howard Hawks, framleiðandi myndarinnar og þekktur leikstjóri.

Ég hef enga trú á þessu prequel.

[Ransu, 1.2.2009 kl. 17:05]

Og til að bæta við...

Þá hefur Morgunblaðið farið í gegn um 2 uppsagnahrinur síðan efnahagskreppan skall á og lausapennar eru í straffi vegna skorti á lausafé blaðsins.  Þannig að blaðamenn eru að sinna tvöfaldri vinnu ef ekki meir og eru jafnvel tilneyddir til að fjalla um eitthvað sem þeir hafa ekki endilega sérþekkingu á. Þess vegna erum við að sjá mikið af svona mistökum hjá þeim þessa dagana.

Það afsakar svosem ekki að blaðið eigi ekki að vera metnaðarfullt.  En ég get samt gefið þeim umburðarlyndi fyrir svona staðreyndarvillum að sinni.

Menn eru að gera sitt besta miðað við stöðuna.

En óneitanlega verður það leiðinlegt til lengdar.